Nobel mukofoti sovrindori Pol Gringard vafot etdi

Amerikalik olim, neyrobiolog va fiziologiya tibbiyoti bo‘yicha Nobel mukofoti laureati Pol Gringard Nyu-Yorkda 93 yoshida vafot etdi, deya xabar beradi “Korrespondent.net”.

Foto: “Izvestiya”

“Keng turdagi neyrologik va psixiatrik kasalliklarning davolanishiga katta hissa qo‘shgan va miya hujayralarining o‘zaro ta’siri haqidagi tushunchamizni tubdan o‘zgartirgan Pol Gringard 13-aprel kuni 93 yoshida vafot etgan” — deyiladi Gringard 1983-yildan buyon ishlagan Rokfeller universitetining rasmiy xabarida.

Ushbu o‘quv muassasasidagi faoliyatidan avval, Gringard Albert Eynshteyn nomidagi tibbiyot kolleji va Yel universitetida dars bergan.

2000-yilda u asab tizimiga signallarni uzatish bilan bog‘liq kashfiyotlari uchun Erik Kendel va Arvid Karlsson bilan birga Nobel mukofotini olgan.

Ularning izlanishlari asab va ruhiy kasalliklarning mexanizmini tushunishga imkon bergan.

Qo'shdi: XABAR.INFO
Qo'shilgan vaqt: 15.04.2019 / 11:42
Bosh sahifaga