«Ювентус» қишдаёқ ўзбекистонлик футболчини ўз сафига қўшиб олмоқчи!

Элдор Шомуродовга «Ювентус» жамоаси қизиқиш билдираётгани ҳақида хабар берган эдик. Аввалроқ, «Tuttоsport» ўз саҳифасида бу ҳақда ёзганди. Энди яна бир машҳур портал ҳамюртимизга Италиянинг амалдаги чемпиони қизиқиш билдираётганини маълум қилди.

«Хабарларга кўра, «Ювентус» ҳужумчи Элдор Шомуродов борасида «Женоа» билан боғланган. «Calciomercato.com»нинг таъкидлашича, «бьянконерилар» 2020 йил октябрь ойида «Ростов»дан 7,5 млн евро эвазига келган ҳужумчи трансфери бўйича музокара ўтказган.

А Сериядаги 12 ўйиндан сўнг, 25 ёшли форвард 2 та гол ва 1 ассистни ўз ҳисобига ёздириб қўйди, аммо «грифонлар» вакилининг ўйини Италия чемпионати грандларини ҳайратда қолдирди. Хабарда айтилишича, 4-ҳужумчи қидираётган «Ювентус» қишдаёқ ўзбекистонлик футболчини ўз сафига қўшиб олмоқчи
«, — дейилади «Football Italia» хабарида.

Улашинг: