Японияда қор бўрони сабаб 140 га яқин машина иштирокида оммавий авария юз берди (видео)

    Янв 21, 2021

    Япониянинг Хонсю оролига ёққан қор оммавий аварияга сабабчи бўлди. Мияги префектурасининг Тохоку шоссесида 140 га яқин автомобиль йўл-транспорт ҳодисасини содир этиб, автомобиллар ҳаракатини буткул тўхтатиб қўйди, деб хабар беради Motor.

    Ўнлаб енгил ва юк машиналардан иборат 1-2 километрли тирбандлик тасвирланган видео YouTube’даги Fuji News Network телетармоғи каналида пайдо бўлган. Автомобильларнинг аксариятига жиддий шикаст етган.

    Маълумотларга кўра, авария маҳаллий вақт билан пешинда содир бўлган, унинг оқибатлари эса кечки соат 20:00 ларга бориб тўлиқ бартараф этилган. Ҳодиса жойига етиб келган қутқарувчилар жабрланувчиларга ёпинчиқлар ва биринчи эҳтиёж учун керак бўладиган бошқа буюмларни тарқатган.

    https://youtu.be/NUx3l4kUOOs

    Машиналарда жами 200 киши қамалиб қолган, уларнинг 19 нафари энг яқин атрофдаги шифохонага жўнатилган. Уч киши жиддий жароҳат олган, ЙТҲнинг бир нафар иштирокчиси эса вафот этган.

    Япония метеорология агентлигининг маълумотларига кўра, ЙТҲ вақтида Фурукава ҳудудидаги ҳаво ҳарорати -3,8 даражани ташкил этган, шамол тезлиги сониясига 27,8 метрга етган. Қор бўрони бошлангач атрофни кўриш ёмонлашган, маҳаллий ҳукумат тезликни 50 км/соат қилиб чегаралаб қўйган.

    Улашинг:

    EnglishRussianUzbek
    Free counters!