«Ювентус» Криштиану Роналдуга нарх белгилади. Футболчи «Реал»га қайтиши мумкин

«Ювентус» 2021 йилнинг ёзидаёқ жамоа ҳужумчиси Криштиану Роналду билан хайрлашиши мумкин.

СпортМедиасетънинг хабар қилишича, клуб 60 миллион евролик таклиф бўладиган бўлса, Роналдуни қўйиб юборишга тайёр. 36 ёшли футболчига ПСЖ, «Манчестер Юнайтед», «Манчестер Сити», MLS ва араб клубларидан қизиқиш бор.

El Chiringuito’га кўра футболчининг агенти Жорже Мендеш «Реал» билан музокаралар олиб бормоқда. Улар Роналдунинг Мадридга қайтишини муҳокама қилмоқда.

«Ювентус» Роналдуни 2018 йилнинг ёзида 117 миллион евро эвазига «Реал»дан сотиб олганди. Аммо туринликлар уни олиб келишдан кўзлаган асосий мақсад — Чемпионлар Лигасидаги муваффақиятли иштирок этиш борасида уч мавсумдан бери омадсиз ҳаракат қилмоқда.

Роналдунинг маоши йилига 31 миллион еврони ташкил қилади, бу эса коронавирус туфайли юзага келган инқироз вақтида клуб учун оғирлик қилмоқда.

Улашинг: