Японияда стадионда япон қизни зўрлаган ўзбекистонлик талаба қўлга олинди

Токиода 30 ёшли ўзбекистонлик талаба Давронбек Раҳматуллаев Олимпиада ўйинларида волонтёр бўлиб ишлаётган 20 ёшли япониялик қизни зўрлаганликда гумон қилиниб, ушланган. Бу ҳақда Kyodo нашри хабар берди.  

Ўзбекистон Миллий олимпия қўмитаси расмий муносабат билдириб, воқеликка Ўзбекистон Олимпия жамоасининг ҳеч қандай алоқаси йўқлигини маълум қилди. 

Воқеа Токио шаҳрида 16 июль куни Олимпия ўйинлари ўтказиладиган Миллий стадион трибунасида содир бўлган. Олимпиада вақтида ОАВ вакиллари учун овқат тарқатиш билан шуғулланиши керак бўлган ўзбекистонлик талаба эса қиз қаршилик қилмаганини таъкидлаган. Нашр улар олдин таниш бўлишмаганини қўшимча қилган.

Қиз шанба куни полицияга стадионда ўтказилган ёпилиш маросими репетициясидан кейин йигит томонидан зўрлангани ҳақида маълум қилган.

Улашинг: